Драма: Гром удри во авионот на еден од најдобрите светски тенисери!

Германскиот тенисер и светски број три, Александар Зверев, се соочи со вистинска драма откако авион во кој патуваше беше удрен од гром на пат кон Париз.

Зверев потенцираше дека гром удрил во авионот со кој патуваше на Ролан Гарос – вториот Голем слем турнир, кој започнува во недела.

Германскиот тенисер пристигна на Ролан Гарос и таму одржа прес-конференција за новинари. Тој сподели застрашувачки детали кои го следеле додека пристигнувал во главниот град на Франција, каде се одржува еден од најпрестижните тенис турнири на сезоната.

Зверев за време на медиумскиот настан во Ролан Гарос објасни дека гром удрил во неговиот авион, што го натерало на принудно слетување.

German tennis player Alexander Zverev said Friday his plane was hit by lightning on the way to Paris for the French Open and had to turn around, delaying his arrival for the clay-court Grand Slam tournament. https://t.co/Xlf7EtK3Ha

— Washington Times Sports (@WashTimesSports) May 23, 2025

“Требаше да полетаме синоќа во 18:45, но во авионот ни удри гром и мораше принудно да слетаме во Хамбург,” рече Зверев пред новинарите, објаснувајќи дека авионот не се нишал, но слушнал силна бука.

Неговото пристигнување во Париз се случи подоцна од предвиденото. Наместо попладне, авионот полетал дури во 1 часот по полноќ, пристигнуајќи два часа подоцна.

Alexander Zverev a eu chaud pendant son vol vers Paris hier. 🇩🇪✈️

🗣️ : “Nous étions censés prendre l’avion hier soir à 18h45 et nous avons décollé d’Hambourg et nous volions avec Lehecka, Nakashima et nous avons été frappés par la foudre. Nous avons donc dû faire un atterrissage… pic.twitter.com/nThpp3yNCd

— Avantage Tennis 🎾 (@AvantageTennis_) May 23, 2025

Сепак, Зверев успеа да го одработи планираниот тренинг денес, а потоа и да одржи прес-конференција. Германецот ќе биде еден од фаворитите на Ролан Гарос, откако минатата година стигна до финалето.

Фото: Alexander Zverev/FB