Вирц е минато: Баерн подготвува трансфер кој ќе предизвика „земјотрес“ во Европа

Во Минхен веќе неколку недели главна тема е Флоријан Вирц, бидејќи Баерн на сите начини пробува да го доведе играчот од Бајер Леверкузен во своите редови. Но, Вирц не е единствената ѕвезда која ја сакаат Баварците, бидејќи се појави информација дека пристигнува и жестока конкуренција за Хари Кејн на врвот на нападот.

Иако многумина мислеа дека Флориан Вирц ќе ја продолжи кариерата во Реал Мадрид, тој според пишувањата на германските медиуми одлучил сѐ уште да не замине во странство и според сите индикации ќе потпише за Баерн.

Во приказната пред десетина дена се вмеша и Ливерпул, но јасно е дека Баварците имаат предност и изгледа дека оваа работа е решена.

Меѓутоа, германските медиуми носат уште една „бомба“ и тврдат дека Вирц не е најзвучното засилување што го сака Баерн, бидејќи челниците на клубот од Минхен имаат уште еден оптимистички план.

Наводно, тоа е Хулијан Алварез кој зад себе има фантастична сезона во Атлетико Мадрид, а иако претседателот на овој клуб, Енрике Серезо, порача дека не е на продажба, медиумите во Германија и Шпанија пишуваат дека би го разгледал доколку некој понуди повеќе од 100 милиони евра.

Фото: Принтскрин