Историски преседан во Лигата на шампиони, додека 43 земји немаат претставник, Англија ќе има дури 6!

Едно од најслабите финалиња на европските натпревари се одигра синоќа во Билбао, каде што Тотенхем со голот на Бренан Џонсон освои првиот трофеј по 17 години, а и првиот европски по 41. Манчестер Јунајтед ја заврши разочарувачката сезона со пораз во Лигата на Европа, но англискиот фудбал генерално има причини за славење.

Иако тоа веќе беше претходно познато, сега е официјално потврдено дека Англија ќе има дури шест клуба во групната фаза на Лигата на шампиони во сезоната 2025/26. Навистина неверојатно!

Како дојде до ова, кога само уште 10 други членки на УЕФА имаат барем еден директен претставник?

Причината лежи во фактот што Англија, исто како и Италија, Шпанија, и Германија, имаат по четири тима директно во елитата, а на освојувачот на Лига Европа му припаѓа уште едно место. Во актуелната сезона, најдобри резултати постигнаа клубовите од Островот и Шпанија, а според правилата од минатата сезона, тоа им донесе уште едно дополнително место!

Така, покрај Ливерпул и Арсенал, кои веќе го обезбедија своето место преку лига, и Тотенхем, во ЛШ ќе играат и три од петте тима кои викендов ќе бидат меѓу првите пет во Премиер лигата – Манчестер Сити, Њукасл, Челзи, Астон Вила или Нотингем Форест.