УЕФА се посрамоти: Чеферин остана без медали кога на ред дојде Сон (Видео)

Фудбалерите на Тотенхем во средата освоија трофеј по 17 години, а првиот европски по 41 година, а нивната магична ноќ во Билбао не успеа да ја расипе ниту УЕФА.

Тотенхем го совлада Манчестер јунајтед со 1:0 и се пласираше во Лигата на шампионите, а на церемонијата за доделување медали го видовме моментот кој не треба да се случува во сериозна организација како што е УЕФА.

Претседателот на УЕФА Александар Чеферин доделуваше златни медали на играчите на Тотенхем, но кога на ред дојдоа клучните играчи од одбраната, средниот ред и нападот – Кристијан Ромеро, кој беше прогласен и за најдобар играч на натпреварот, Родриго Бентанкур и капитенот Хјунг-мин Сон, остана без медали.

Кога Чеферин сфати дека нема повеќе медали за доделување, се сврте кон луѓето од протоколот, а по краток разговор со нив со насмевка им се извини на тројцата ѕвезди на Спарс и се ракуваше со нив.

Така и победничката екипна фотографија сигурно ќе влезе во историјата бидејќи капитенот со пехарот в раце нема медал околу вратот.

Тука кога Чеферин сфаќа дека нема медали за сите и се обидува да надомести со прегратка.

Совршен пример како овие години УЕФА успева да си направи се што треба наопаку.#UEFA #EuropaLeagueFinal pic.twitter.com/l7e7cwdVmv

— bw_riot (@bw_riot_) May 22, 2025