Само една дилема има пред денешното последно коло во ПМФЛ!

Пред последното коло од Првата македонска фудбалска лига, остана нерешено само едно прашање – кој ќе го избегне баражот. Сè друго е веќе јасно.

Тетовска Шкендија и официјално е новиот шампион на Македонија, додека Силекс и Работнички си обезбедија европски визи преку пласманот во лигата. Нив ќе им се приклучи и победникот од финалето на Купот на Македонија, каде што во директна пресметка ќе се судрат Вардар и Струга.

На другата страна од табелата, Воска Спорт и Гостивар веќе се исфрлени. Останува неизвесна само борбата за избегнување на деветтото место кое води во бараж.

Во таа трка се Брера и Беса. Брера со 31 бод е деветта, а Беса со еден помалку е место подолу. Струмичани денеска на домашен терен ќе го пречекаат Работнички, кој нема императив за резултат, додека Беса ќе гостува кај Пелистер во Битола, уште една екипа без притисок.

Брера е во подобра позиција и сама си ја крои судбината, со победа е сигурна над линијата. За Беса, пак, патот е покомплициран мора да победи и да се надева дека Брера нема да слави.

Последното коло носи уште две средби: шампионот Шкендија ќе го пречека Силекс, а Тиквеш ќе се соочи со Струга. Сите натпревари ќе започнат денеска од 17:00 часот.