Халанд е тажен поради заминувањето на ударната игла на Манчестер Сити

Фудбалерот на Манчестер Сити Ерлинг Халанд изјави дека неговиот тим може до крајот на сезоната да го освои ФА Купот и да обезбеди пласман во Лигата на шампионите.

Сити два кола пред крајот на Премиер лигата се наоѓа на четвртата позиција на табелата со 65 бодови, а „Граѓаните“ до крајот на сезоната ќе играат против Борнмут и Фулам во англиското првенство. Пред тоа, клубот од Манчестер на 17 мај ќе игра во финалето на ФА Купот против Кристал Палас.

– Не покажавме константност во Премиер лигата, не остваривме доволно последователни победи како во претходните сезони. Изгубивме премногу натпревари. Кога освојуваш четири поврзани титули во Премиер лигата, сите очекуваат и петта, а кога тоа не се случи, тогаш е неуспешна сезона. Сами си поставивме такви високи стандарди – изјави Халанд за BBC и додаде:

– Ова беше тешка сезона, но можеме да ја завршиме со освоен ФА Куп и пласман во Лигата на шампионите – рече фудбалерот на Манчестер Сити.

Халанд истакна дека би сакал Манчестер Сити да го освои ФА Купот и поради белгискиот фудбалер Кевин де Брујне, кој ќе го напушти англискиот клуб на крајот од сезоната.

– Беше привилегија да играм со него. Ќе мора да најдеме некој што ќе го наследи, но прашање е дали некој може да го замени. Би сакал Де Брујне да замине од нашиот клуб со трофејот на ФА Купот – заклучи Халанд.

Фото: Принтскрин