Црн ден за Манчестер Јунајтед и Тотнем: Вест Хем и Кристал Палас ги урнаа фаворитите (Видео)

Манчестер Јунајтед продолжува со разочарувачките настапи во Премиерлигата. Овојпат „црвените ѓаволи“ беа поразени на „Олд Трафорд“ со 0-2 од тимот на Вест Хем, кој однесе вредни три бода од Манчестер. Слична судбина доживеа и Тотнем, кој на домашен терен загуби во лондонското дерби од Кристал Палас со ист резултат – 0-2.

Вест Хем го отвори резултатот во 26. минута преку Соучек, а со минимално водство замина на одмор. Во вториот дел, Јунајтед се обиде да се врати во игра, создаваше прилики, но неуспешно. Гостите знаеја како да го искористат тоа – Џерод Боуен го постави конечниот резултат од 0-2 и ги замолкна трибините на „Олд Трафорд“.

Во Лондон, Кристал Палас направи подвиг против фаворизираниот Тотнем. Еберечи Езе блесна со два брзи гола – првиот на самиот крај од првото полувреме (45′), а вториот веднаш по продолжението (48′).