Се очекува „лудило“ на трибините во реванш натпреварот од полуфиналето на Лигата на шампиони во Милано помеѓу Интер и Барселона, а во италијанскиот клуб веќе денес ги тријат рацете кога се зборува за заработката од продажбата на билетите.
Фудбалерите на двата тима со спектакуларен резултат во првиот натпревар (3:3) ја подигнаа атмосферата до вриење, а навивачите на Неразурите најавија кореографија за паметење.
Учиме по најтешкиот пат: Со едукација за заштита и спасување до спречување на трагедии! ↓↓↓
Бараше се билет повеќе, а стадионот „Џузепе Меаца“ одамна е распродаден (максималниот капацитет е 80,018 места).
Нема дилема дека двата клуба сонуваат и посакуваат да се пласираат во финалето, а италијанските медиуми пренесуваат дека во Интер веќе можат да бидат презадоволни кога се зборува за заработката. Само од продажбата на картите црно-сините ќе инкасираат 14 милиони евра што е рекордна заработка во италијанскиот фудбал.
Се разбира, заработката ќе биде уште поголема кога ќе се додадат приходите од реклами, ТВ права и сѐ друго. Па ако и стигнат до финалето…
Реванш натпреварот започнува од 21 часот и може да го следите во живо во блогот на Спорт клуб.
Учество во игри на среќа е дозволено за лица со 18+ години. Играј одговорно!