Дончиќ наскоро потпишува нов договор со Лејкерс кој ќе му донесе богатство

Словенечкиот кошаркар Лука Дончиќ се подготвува да ја продолжи својата верност кон  Лос Анџелес Лејкерс со потенцијален договор вреден 229 милиони долари за четири години.

Откако оваа сезона дојде од Далас, брзо стана носител на тимот и одигра клучна улога во завршницата на регуларниот дел и во плејофот.

Лејкерс ја завршија сезоната во првиот круг од плејофот, губејќи ја серијата од Минесота Тимберулвс со резултат 4:1.

За време на таа серија, Дончиќ бележеше просек од 30,2 поени, 7 скока и 5,8 асистенции за 41,6 минути поминати на терен по натпревар.