Ривер во неделата победи против Бока 2:1 во 15. коло на Апертура. Најголемото аргентинско дерби го одбележа одличниот среден играч на Ривер, Франко Мастантуоно, кој во 26. минута постигна прекрасен гол од слободен удар. Станува збор за 17-годишник кој го следат европските гиганти и кој наскоро би требало да се појави во некој европски клуб.
Бока израмни во 39. минута со голот на Мерентиел, а за победата на Ривер се погрижи Дриуси во 45. минута. Мастантуоно оваа сезона има 13 настапи, четири голови и две асистенции, а Трансфермаркт го проценува на 15 милиони евра. Договорот со Ривер му трае до крајот на декември 2026 година, па веќе се шпекулира каде би можел да заврши.
17 години. Мастантуоно го направи ова во СуперКласико!
— All Things Brazil™ 🇧🇷 (@SelecaoTalk) 28 април, 2025
Неверојатно pic.twitter.com/Mnl1tkB3qm
Од семејна традиција до модерен бренд ↓↓↓
Реал Мадрид и Барселона веќе контактирале со менаџерската агенција што го претставува младиот Аргентинец со италијанско потекло, а вестите со нетрпение ги очекуваат и англиските гиганти Манчестер Сити, Ливерпул, Челси и Арсенал. Во игра е и ПСЖ. Британските медиуми тврдат дека „црвените“ се најупорни и дека на речиси сите натпревари на Ривер и на аргентинската репрезентација до 20 години, нивните скаути го следат младиот фудбалер.
Левоногиот Мастантуоно главно игра класичен плејмејкер, но е одлилен и како десно крило. Експертите го посочуваат неговиот дриблинг, магичниот поглед на играта за едно 17-годишно момче и одличниот удар. Се восхитуваат на неговите прецизни слободни удари, а ако повеќе игра како десно крило, му предвидуваат блескава голгетерска иднина.
Учество во игри на среќа е дозволено за лица со 18+ години. Играј одговорно!