Салах бегаше од Нуњез и шампањот, дозволи да биде полеан откако доби објаснување?

Англискиот фудбалски гигант Ливерпул ја обезбеди својата 20-та титула во англиската Премиер лига, по убедливата победа против Тотенхем од 5:1.

По натпреварот следуваше голема прослава на фудбалерите и навивачите, како на стадионот, така и на улиците на градот.

Обичај на играчите е често да се полеваат меѓусебно со различни алкохолни пијалоци за време на славјето, а нешто слично се случи и на тревникот на Енфилд.

Имено, Дарвин Нуњез го бркаше Мохамед Салах со шише шампањ. Египќанецот го предупреди со прст Нуњез да не го прави тоа, но Уругваецот сепак го полеа. Иако на прв поглед изгледаше како огромно непочитување затоа што Салах како муслиман не сака контакт со алкохол, стигна објаснување од една страница на навивачи на Ливерпул каде што се тврди дека во прашање е безалкохолен шампањ, токму поради верските причини. Наводно, Салах ja дозволил „акцијата“ на Нуњез кога тоа го слушнал.

Сепак, ниту еден од сценаријата сѐ уште не е официјално потврден од учесниците.

Погледнете како изгледаше сето тоа:

Quand Núñez verse de l’alcool sur Salah… et que l’Égyptien lui fait clairement comprendre qu’il ne veut pas. 🙄🕌 pic.twitter.com/cvK5thP5iH

— Lives Foot (@livesfoot) April 27, 2025