ВИДЕО Прекинато дербито во Франција. Гледач го погоди судијата во глава со паричка

Сент – Етјен дома триумфираше против Лион со 2:1 во натпреварот од 30. коло на француската лига. Два гола за победата на домашниот тим постигна Стасен во 10-та и 67-та минута, додека почесниот гол за гостите го постигна Тесман во 76-та минута.

Погледнете ги головите ОВДЕ.

Натпреварот беше одбележан со прекин на самиот крај на првото полувреме. Пред играчите да заминат на одмор, во 44-та минута некој од трибините го погоди помошниот судија со предмет во глава, најверојатно со паричка.

Потоа натпреварот беше прекинат, и главниот судија на натпреварот Франсоа Летексиер ги испрати екипите во соблекувалните додека не беше донесена одлука натпреварот да продолжи. Погледнете ја ситуацијата ОВДЕ.

Сент-Етјен остана на претпоследното, 17-то место на табелата, но со оваа победа изедначи се со Ле Авр, кој е на 16-то место, она што води во бараж за опстанок, и двата тима имаат 27 бодови по 30 кола. Лион по овој неуспех е шести со 51 бод, два помалку од четвртиот Лил.