Уште една радосна вест за навивачите на Ливерпул: Ван Дајк како Салах!

Капитенот на Ливерпул Вирџил ван Дајк денес официјално го продолжи договорот со англискиот гигант до 2027 година.

Долго време се шпекулираше дали лидерот на тимот од “Енфилд” ќе остане верен на “црвените” по седум и пол години поминати во Ливерпул, а на крајот сè заврши на взаемно задоволство и воодушевување на навивачите.

Ван Дајк пристигна во Ливерпул од Саутемптон во 2018 година и со овој тим стана европски шампион и освојувач на англиската Премиер лига.

Холанѓанецот има одиграно над 200 прволигашки натпревари за Ливерпул и 33-годишникот веќе сега има статус на легенда на клубот.

Virgil van Dijk has today signed a new contract with the Reds to extend his time with the club beyond the 2024-25 season 🙌😀

— Liverpool FC (@LFC) April 17, 2025

Фото: Liverpool FC