Флик ќе изненади против Борусија – познато кој нема да игра!

Фудбалерите на Барселона утре ќе играат во Дортмунд против екипата на Борусија во реванш натпревар од четвртфиналето на Лигата на шампионите, а Ханси Флик подготви неочекувано изненадување за овој дуел.

Барселона во првиот дуел минатата среда на Монжуик славеше со 4:0, и јасно е дека Каталонците веќе се со една нога во полуфиналето на ова натпреварување.

Сепак, Ханси Флик веднаш по завршувањето на натпреварот порача дека не смее да има опуштање и дека неговиот тим мора да влезе во реваншот максимално сериозно за да не дозволи никакви изненадувања.

Веќе е јасно дека Барселона ќе настапи со веројатно најсилниот состав, но каталонските медиуми пишуваат дека Флик подготвил и неочекувано изненадување.

Каталонскиот Спорт објави денес дека Флик би можел да направи неколку промени во составот во споредба со првиот натпревар, но она што изненади сите е дека Роберт Левандовски би можел да остане утре на клупата.

Hansi Flick could start Ferran Torres to rest Lewandowski against Dortmund.

— @sport pic.twitter.com/L5kYdU4wzT

— Barça Universal (@BarcaUniversal) April 14, 2025

Левандовски беше брилијантен во првиот дуел против неговиот некогашен клуб бидејќи постигна два гола и сигурно е дека е извонредно мотивиран да игра утре, но Спорт наведува дека за Полјакот може да следи ладен туш.

Постојат информации дека на врвот на нападот наместо Левандовски треба да игра Феран Торес кој во последно време исто така игра одлично.

Токму Феран беше тој кој постигна два гола во победата на Барселона во Дортмунд во лигашкиот дел од ова натпреварување. Тој натпревар се одигра крајот на минатата година, а конечниот резултат беше 3:2 во корист на Каталонците.

Феран во тој натпревар влезе во игра во 71-та минута токму наместо Левандовски, а потоа постигна два гола и донесе три бода за неговиот тим.