Мијатовиќ за Реал Мадрид: Овој тим правеше чуда, но веќе не сум оптимист

Фудбалерите на Арсенал со одлична претстава на Емирејтс го совладаа Реал Мадрид со 3:0 во првиот натпревар од четвртфиналето на Лигата на шампионите. По првото полувреме без голови, избраниците на Микел Артета постигнаа три гола во второто полувреме, а посебно се истакна Деклан Рајс, кој постигна два гола од директно слободни удари. Конечниот резултат го постави Микел Мерино.

Поранешниот играч на Реал и спортски директор на клубот, Предраг Мијатовиќ, јасно ги наведе одговорните за тешкиот пораз во разговор со Кадена Сер:

„Овој тим претходно можеше да прави чуда, но сега не сум оптимистичен. Не ја гледам онаа позната реакција како што имаа претходно, кога знаеја да се извлечат од тешки ситуации. Тоа сега повеќе не постои, тимот е во пад, и физички и психички.”

Фотографија: Реал Мадрид/FB