Aрсенал и Тотенхем ќе играат пријателски натпревар во Хонг Конг

Фудбалерите на Арсенал и Тотенхем на 31 јули ќе одиграат пријателска средба во Хонг Конг.

Според соопштението на Арсенал, натпреварот ќе се одигра во 19.30 часот по локално време на стадионот Кај Так, кој има капацитет од 50.000 места.

Арсенал истакна дека ќе биде првпат по 2012 година лондонскиот клуб да игра натпревар во Хонг Конг.

Арсенал и Tottenham Hotspur објавија предсезонски натпревар во Хонг Конг, кој ќе биде првото дерби на северен Лондон надвор од Велика Британија 🚨 pic.twitter.com/JLOMpLkGAa

— Sky Sports Premier League (@SkySportsPL) 31 март, 2025

„Сите во Арсенал сме возбудени што во јули ќе го посетиме Хонг Конг. Прекрасно е да се игра во Хонг Конг по 13 години. Оваа средба ќе ни даде можност повторно да се сретнеме со нашите навивачи од тој регион. Натпреварот против Тотенхем ќе биде одлично искуство за двата тима и навивачите, како и многу важен дел од нашите подготовки за следната сезона“, изјави генералниот директор на Арсенал, Ричард Гарлик.