Абутовиќ и Македа го напуштаат Вардар?!

Maкедонскиот и европскиот шампион Вардар следната сезона би можел да остане без Хорхе Македа и Илија Абутовиќ.

Откако Вардар ја освои европската титула ракометарите на овој клуб привлекуваат големо внимание, па така сега германскиот гигант Рајн Некар Левен е заинтересиран за ракометарите кои се од исклучителна важност за тимот на Раул Гонзалес.

Кога во прашање е Абутовиќ, неговото заминување е скоро сигурно и наводно остануваат само уште ситни детали за тој да стане нов ракометар на Рајн Некар идната сезоната, пренесува „24 ракомет“.

Покрај, Рајн Некар интерес за Абутовиќ покажа и Кил, но сепак Рајн Некар во овој момент е клуб со поголеми амбиции како во Лигата на шампионите така и во германската Бундеслига.

Хорхе Македа исто така има понуда од истиот клуб за која наскоро ќе треба да даде и одговор. Да потсетиме Македа во Вардар пристигна од Нант.