Роналдо со совети за Нејмар како да стигне до СП 2026

Сериозните повреди што ги имаше Нејмар во изминатиот период оставија трага, па е неизвесно кога ќе биде повторно во добра форма и дали некогаш ќе го достигне нивото на игра од претходните години.

Јасно е, во Бразил го сакаат на Светското првенство 2026 година, а многумина што поминале по неговиот пат му даваат совети.

Еден од нив е и Роналдо Назарио.

„Верувам дека Нејмар ќе биде на следното Светско првенство. Нејмар е неверојатен талент, но ќе мора да се жртвува. Зависи само од него”, рече тој, а потоа објасни.

„Тоа е жртва која вреди, Светското првенство е за една година. Ако отиде таму на добар ниво, имаме добри шанси. Но, ќе мора да се жртвува, односно да јаде, тренира и да спие”, рече Роналдо.