Робертсон: Моето време во Ливерпул сè уште не е завршено

Фудбалскиот клуб Ливерпул во последно време е поврзуван со повеќе леви бекови, но сегашниот играч на таа позиција, Ендру Робертсон, смета дека тоа не значи негово заминување од клубот.

„Моето време само што започнува, и сметам дека и да доведеме некого на истата позиција, тоа не значи дека ќе заминам од клубот“, изјави Робертсон, пренесува „Скај спорт“.

Клубот од „Енфилд“ е поврзуван со различни играчи, но тоа не го загрижува Шкотот.

„Мислам дека нема лев бек во светот кој не бил поврзуван со Ливерпул од летото до сега. Целиот тој притисок и шпекулации за заминување доаѓаат кога играте во толку голем клуб. Кога ќе се навратам на последните осум години што сум во клубот, и го разгледам сето што сум го поминал, од почетник до тоа што сум сега, можам да кажам само едно – чувствувам голема гордост за целиот мој пат.“

Дефанзивецот на крајот порача само едно:

„Мислам дека моето време само што започнува, а дури и да не е така, секогаш ќе ја почитувам клупската одлука и ќе бидам поддршка за оној што клубот ќе го доведе“, заврши Робертсон.