Синот на легендарниот Џанлуиџи Буфон – Томас Буфон изненадувачки избрал да игра за Чешка Република, а не за татковината на светскиот шампион, како што информира самиот тој. 17-годишниот младиот фудбалер е син на легендарниот голман и телевизиската водителка Алена Середова, што е причина зошто има двојно државјанство на Чешка и Италија, но разговорот токму со семејството го подтикнал крилото да го избере националниот состав на тимот, кој го загуби финалето на ЕУРО 1996.
Оваа сезона дебитираше за тимот од Серија Б Пиза, по што доби и покана за тимот на Чешка до 18 години.
Совети од нутриционист: Вистината за исхраната! Што е најдобро за вашето здравје? ↓↓↓
„Бев многу среќен што дојдов на оваа средба и бев многу љубопитен да ја почувствувам различната фудбалска култура. Разговарав со моето семејство и заедно решивме дека за мојата фудбалска кариера како играч е подобро да играм за Чешка. Мајка ми, се разбира, е многу среќна, но и татко ми беше возбуден, бидејќи ова е мојата прва покана за националниот тим. Сѐ уште не зборувам добро чешки, но штом разбрав дека можам да дојдам тука, почнав да го учам. Роден сум и израснат во Италија, но сум 100 отстотковен професионалец и ќе ја вршам мојата работа на најдобар можен начин. Секој меч ми е важен, без разлика дали е против Италија или друг тим,“ изјави Буфон-млад пред веб-сајтот на локалната фудбалска федерација.
Учество во игри на среќа е дозволено за лица со 18+ години. Играј одговорно!