Ига Швјонтек е позната како лоша губитничка, како некој што не знае секогаш спортски да се помири со поразот. Меѓутоа, во дуелот со Мира Андрејева во Индијан Велс се надмина себеси.
Полската тенисерка во еден момент, незадоволна од својата игра, го изрази својот бес на собирачот на топки. Со сета сила ја тресна топката кон него и само на среќа може да ѝ благодари што не го погоди.
Учиме по најтешкиот пат: Со едукација за заштита и спасување до спречување на трагедии! ↓↓↓
Зашто ако го погодеше, веројатно ќе беше дисквалификувана. Бидејќи силата на ударот беше неконтролирана, можеби би го повредила и кој знае колкава ќе беше казната. Со ова се извлече, иако можеби сепак ќе биде казнета бидејќи таквите постапки не можат да се толерираат. Особено бидејќи намерата да го погоди момчето беше очигледна.
Не е тешко да се претпостави колкава е фрустрацијата на до јуни неприкосновената голема шампионка. Меѓутоа, по четвртиот триумф на Ролан Гарос не само што не освои ниту една титула, туку не успеа ни да се пласира во финале. Поразот од Андреева е петтата елиминација во полуфиналињата од тој париски успех.
.Whoa.😳 #Swiatek #TennisParadise pic.twitter.com/Madqj4muVm
— Rodney 🐊 (@RottenKnee23) March 15, 2025
Учество во игри на среќа е дозволено за лица со 18+ години. Играј одговорно!