„Помина времето на Ѓоковиќ, не гледам како би освоил уште некој голем трофеј“

Поранешниот француски тенисер Никола Ескуде го изрази своето мислење за Новак, сугерирајќи дека крајот на кариерата на српскиот ас би можел да биде поблизу отколку што многумина мислат.

Бившиот 17. играч на светот смета дека Ѓоковиќ повеќе не е во состојба да се бори за најголемите титули, особено во конкуренција на младите сили што ја преземаа предноста.

„Тој е во слободен пад. На почетокот од годината го поставивме прашањето за Ѓоковиќ и не го гледам како освојува некој нов гренд слем. Тоа сега е премногу комплицирано за него. Сега има играчи пред него. Синер и Алкараз ги повлекуваат многу под нив на рангирањето“, изјави Ескуде за медиумите.