Турчинот го напушта Реал Мадрид: Позната новата дестинација за Ѓулер

Веќе некое време се зборува за тоа како Арда Гулер сака да го напушти Реал Мадрид за да добие повеќе минути на теренот, а изгледа дека желбата ќе му се исполни.

Арда Гулер е еден од најталентираните млади играчи на денешницата и не е изненадување што сака да поминува повеќе време на теренот.

Поради огромната конкуренција во Реал Мадрид, Турчинот добива мала минутажа и веќе некое време се зборува за неговото заминување.

Во години во каква што е Гулер (пред неколку дена наполни 20), минутажата е навистина важна за развојот на играчот.

Сепак, до сега немавме конкретно име на неговиот следен клуб, а токму тоа сега го објави германскиот „Ски Спорт“.

Германскиот медиум пренесува дека Ајнтрахт Франкфурт е најмногу заинтересиран за услугите на Гулер и дека внимателно го следи.

Покрај Ајнтрахт, се споменува и Лајпциг, но нивниот интерес не е толку голем како кај клубот од Франкфурт.