Асистенцијата е најбескорисната статистика во фудбалот

Менаџерот на Тотенхем Ангелос Постекоглу се осврна на асистенцијата на напаѓачот на Спарс, Деин Скарлет на натпреварот против Ипсвич (4:1).

„Направи добра работа. Реков дека кога се врати не беше во најдобра физичка форма, но работи напорно и се надевам дека ќе добие повеќе можности,“ истакна Постекоглу и продолжи:

„За дигресија, морам да кажам дека асистенцијата е најбескорисната статистика во светскиот фудбал. Сериозно, топката може да се одбие од вашите гради, да падне во нозете на некого на средината на теренот и тој да постигне гол, а тоа би била асистенција. Затоа не сум импресиониран, но учинокот на Деин беше добар.“

Скарлет во победата против Ипсвич во 26. коло на Премиер лигата од својата половина на теренот со глава ја префрли топката до Дејан Кулушевски кој го постигна четвртиот погодок за својот тим.