Беше дел од Милан како фудбалер, освои СП со Италија, а сега „росонерите“ го вратија како тренер!

Поранешниот светски првак со италијанската репрезентација и поранешен фудбалер на АЦ Милан, Масимо Оддо, стана нов тренер на Милан Футура, односно резервниот состав на Росонерите.

Оддо на оваа позиција го наследи Даниелеа Бонера, кој беше разрешен од должностите во понеделникот.

“Клубот му посакува добредојде на Масимо и му посакува нему и на неговите соработници сè најдобро во работата”, соопштија од Милан.

Оддо помина низ академијата на Милан, а се врати во клубот во 2007 година.

Милан Футура е резервниот тим на Росонерите, кој беше основан минатото лето. Милан е еден од трите клуба од Серија А, чии резерви се натпреваруваат во Серија Ц заедно со Јувентус Некст Ген и Аталанта У23.

За Милан Футура почетокот не беше лесен, бидејќи моментално е на 18-тото место на табелата на Серија Ц со само четири победи и 10 реми од 28 натпревари оваа сезона, а екипата освои 22 бодови.

Лошата форма доведе до отпуштање на првиот тренер Даниелеа Бонера, кој беше отпуштен во понеделникот. Него ќе го наследи Оддо, кој во кариерата играл за Милан, Наполи, Хелас Верона и Лацио.

Откако ја заврши фудбалската кариера, Оддо работеше на различни позиции на различни нивоа во италијанскиот фудбал почнувајќи од Пескара, а беше и тренер на СПАЛ, Падова, Перуџија, Кротоне и Удинезе.