Не помага ниту ВАР: Поништен чист гол во Премиерлигата (Видео)

Официјално е потврдено дека на српскиот фудбалер Никола Миленковиќ неправедно му беше поништен гол минатиот месец во Премиер лигата.

Раководството на Премиер лигата објави дека досега оваа сезона се утврдени 13 грешки на ВАР системот, но дека тоа е добар резултат, бидејќи бројот е за седум помал во споредба со истиот период од минатата сезона.

Судиската комисија на Премиер лигата утврди дека по 23 одиграни кола се донесени четири погрешни интервенции на ВАР, а дека во девет случаи е пропуштена можноста ВАР да интервенира правилно.

Меѓу 13 грешки на англиските судии и ВАР системот се најде и погодокот на српскиот репрезентативец Никола Миленковиќ во дресот на Нотингем Форест.