Oдегард го најави дербито со Манчестер сити: Да ја искористиме ситуацијата!

Капитенот на Арсенал Мартин Одеегорд изјави пред дербито со Манчестер Сити дека верува дека неговиот тим во продолжение на сезоната ќе прикажува уште подобри игри.

Норвежанецот се осврна на претходниот натпревар на двете екипи, кога по завршувањето на Холанд имаше вербална расправија со тренерот на „топџиите“ Микел Артета.

„Тоа се нормални работи кога играте големи натпревари и постои огромно ривалство. Се натпреварувате и сакате најдоброто за својот тим, и понекогаш е неопходно да дојде до тензија. Меѓутоа, во основа се познаваме меѓусебно и таквите работи остануваат на теренот“, вели Одеегорд и додава:

„Халанд ми е добар пријател и често комуницираме со останатите соиграчи од репрезентацијата, но главно не разговараме за фудбал“, додаде играчот од средниот ред на Арсенал.

Истакнува дека ќе направат сè за да освојат некој трофеј во сезоната.

„Сме во добра позиција, но чувствувам дека имаме уште една, дополнителна брзина. Се надевам дека и оваа сезона ќе одиграме многу добро во завршницата на натпреварувачката година. Колку сме поблиску до трофеј, толку сме погладни и не сакаме повторно да го пропуштиме“, истакна Одеегорд.

Арсенал и Манчестер Сити ќе се сретнат во недела во 17.30 часот, а лондонскиот тим би ја задржал со победа разликата во однос на водечкиот Ливерпул.