Солскјер бил шокиран од она што го дочекало во Бешикташ: Ништо не постоеше!

Брутални зборови изговори тренерот на Бешикташ, Оле Гунар Солскјер за сè што се случува во тимот чиј тренер стана пред помалку од две недели.

Откако во ноември 2021 година го напушти клубот Манчестер Јунајтед, Оле Гунар Солскјер три години беше без работа и одби неколку понуди што ги доби во тој период.

Неодамна одлучи да ја прифати понудата од Бешикташ и на 18 јануари потпиша договор со овој тим за една и пол година.

Досега како тренер на овој клуб водеше три натпревари и оствари една победа, едно нерешено и една тренинг сесија.

Вчера сепак реши да го крене гласот и да проговори за ситуацијата во која се наоѓа Бешикташ.

Откако новинарите го прашаа за потенцијалните засилувања во јануари, одлучи да биде многу јасен и да открие некои нешта што се чувале.

Имено, Солскјер јасно рече дека спортскиот дел на клубот не постои и дека моментално е фокусот да се создадат услови за сите спортски работи.

“Дојдов пред десет дена и моментално работиме за да донесеме вистински луѓе”, рече Солскјер, и продолжи:

“Не постои дел за скаути во овој клуб, не постојат извештаи од скаути. Тогаш тоа не постоеше кога дојдов.

Тоа е нешто на кое моментално јас работам и исто така се обидувам да ги поставам нештата каде што треба да бидат за во иднина клубот да наликува на нешто.

Нормално дека и краткорочниот резултат е многу важен, но не можеме да донесуваме погрешни одлуки.

Не можеме да донесеме скапи, искусни фудбалери, затоа што клубот потрошил многу пари на работи што треба да се средат.

Мислам дека и претседателот говореше за моменталната ситуација и како стојат нештата.

Голема е работа сите заедно да седнеме и да поставиме приоритети за овој трансфер период”, рече Солскјер.

На последниот ден од групната фаза на ова натпреварување, Бешикташ загуби од Твенте со 1:0, и на тој начин беа елиминирани од Европската лига.

Кога станува збор за засилувања, Солскјер сè уште треба да донесе прво засилување, а во Турција трансфер периодот трае до 11 февруари.