НБА: Леброн броеше до 34, Клиперси продолжуваат да „газат“! (Видео)

Изминатата вечер во НБА лигата беа одиграни шест натпревари во кои доминираа домаќините, единствената гостинска победа ја запиша тимот на Индијана против Минесота.

Минесота во натпреварот против Индијана беше убедливо поразена (107:130). Најефикасен во редовите на домаќините беше Таунс со 28 поени, додека Крофорд и Бјелица уфрлија по 18. Кај Индијана, Оладипо постигна 28 поени, Бојан Богдановиќ додаде 19, Сабонис запоша 15 поени и 11 скокови, додека Колисон постигна дабл-дабл учинок од 15 поени и 16 асистенции.

Одлична вечер имаше и Леброн Џејмс кој го преводеше Кливленд до третата победа во сезоната, Џејмс постигна 34 поени и запиша 13 асистенции, Кевил Лав додаде 20 поени и 12 скокови, а ефикасен беше и Грин со 16 поени. Во редовите на Чикаго Холидеј постигна 25, а Лаури Мрканен 19 поени. Кливленд го совлада Чикаго со 119:112.

Тимот на Лос Анџелес Клиперси продолжува да победува и покрај тоа што не може да смета на повредениот Милош Теодосиќ, а нивни најдобар поединец на овој натпревар беше Блејк Грифин со 22 поени, 9 скокови и 6 асистенции. Беверли додаде 19, Риверс 16, Галинари 14, додека Де Андре Џордан имаше учинок од 11 поени и 18 скокови. Кај Јута се издвојуваше Мичел со 19 поени. Клиперси во овој натпревар славеа со 102:84.

НБА резултати:

Кливленд – Чикаго 119:112

Орландо – Бруклин 125:121

Бостон  – Њу Јорк 110:89

Минесота – Индијана 107:130

Портланд – Њу Орлеанс 103:93

Ла Клиперси – Јута 102:84.