Ракитиќ поради Модриќ испрати порака до Перез: Слушај ме добро…

Хрватската ѕвезда Иван Ракитиќ верува дека Лука Модриќ може уште многу да даде во дресот на Реал Мадрид, но и во хрватската репрезентација.

Ракитиќ во едно интервју му порача на Флорентино Перез да му понуди нов договор на Лука Модриќ, иако оваа година полни 40 години.

“Се надевам дека Флорентино Перез ќе ги слушне внимателно моите зборови… Флорентино, дајте веднаш нов договор на Лука. Направете го тоа не само за навивачите на Реал Мадрид, туку за сите нас кои го сакаме фудбалот. Лука е еден од ретките играчи во светот што ги сакаат сите – Хрвати, Шпанци, Германци, Турци…”, порача Ракитиќ и продолжи:

“Ако Модриќ си замине, Реал Мадрид и Ла Лига ќе го почувствуваат неговото отсуство. Тој сè уште може да игра во Лигата на шампионите и се надевам и на Светското првенство следната година. За него, годините се само бројка и во неговиот случај се неважни. Се надевам дека ќе продолжи да игра и дека ќе уживаме во игрите на Лука Модриќ”, рече Иван Ракитиќ.

Модриќ не е во преден план кај Карлo Анчелоти оваа сезона, но далеку од тоа дека не беше на висина на задачата кога и да добиеше шанса…

Останува да видиме дали Флорентино Перез ќе го послуша советот на Иван Ракитиќ.