ФИФА немаше милост: Жестоко казни два клуба од Ла Лига

ФИФА ги казни шпанските клубови Мајорка и Рајо Ваљекано со забрана за трансфери на играчи во следните три трансфер периоди, пренесува „Марка“.

ФИФА на својот сајт на 9 јануари ги објави имињата на клубовите кои се казнети поради неподмирени долгови кон „трети страни“, но двата шпански тима сметаат дека станува збор за административна грешка, бидејќи според нив, веќе немаат отворени случаи.

„Тоа е административно прашање кое веќе е решено, информацијата не е точна“, истакнаа за „Марка“ од Мајорка.

Во Рајо Ваљекано, исто така, уверуваа дека немаат нерешен случај и дека ја сметаат објавата на сајтот на ФИФА како „административна грешка“.