Ѓоковиќ го дозна потенцијалниот противник во второто коло во Мелбурн

Новак Ѓоковиќ го дозна името на потенцијалниот противник во второто коло на Австралискиот опен, секако под услов да го совлада Американецот Басавереди.

Тоа ќе биде Португалецот Жаиме Фарија, кој неочекувано лесно го победи Русинот Павел Котов со 6:1, 6:1, 7:5.

Квалификантот од почетокот ги контролираше случувањата на теренот. Во првите два сета го декласираше противникот. Дури во третиот сет Котов имаше шанса. Русинот на 5:5 пропушти брејк топка, а потоа следеше сурова казна во следниот гем кога Фарија без загубено поен постигна брејк и ја обезбеди победата.

Фарија моментално е 125. тенисер во светот. Неговиот најдобар ранг беше 114. позиција. Ѓоковиќ и Фарија досега никогаш не играле еден против друг.