Критики пред Ел Класико: Изборот на судијата е светски скандал

Реал Мадрид и Барселона вечерва го играат финалето на шпанскиот Суперкуп, но пред натпреварот, од таборот на Реал веќе започнаа критики поради изборот на судии.

Особено ги вознемири одлуката за именување на Хил Манзано за главен судија на натпреварот, бидејќи веруваат дека во минатото ги оштетил со своето судење.

На клупската телевизија на Реал Мадрид беше објавено видео во кое се потсетуваат на минатосезонскиот дуел на Месталја, кога „кралевите“ стигнаа до победа во судиското продолжение, но Манзано претходно го означи крајот и поништи гол на Џуд Белингам.

„Светски скандал за кој судијата беше суспендиран само две недели, а сега е награден со финале на шпанскиот Суперкуп благодарение на Комисијата за судии предводена од Медина Кантаљехо“, истакнуваат од Реал Мадрид ТВ.