Сензација на Светското првенство во пикадо: Елиминиран светскиот шампион

Легендарниот играч на пикадо Питер Рајт го исфрли во осминафиналето од Светското првенство актуелниот првак Луке Хамфрис. Рајт славеше со 4:1 во сетови со просек од 101 поен по фрлање. Хамфрис беше на 99 поени, но Рајт беше одличен на излезите со 70 проценти успешност наспрема 56 проценти кај Хамфрис.

Поранешниот двоен светски првак Рајт сакаше да се откаже од пикадо откако неговата сопруга се разболела неодамна. Шкотот, познат по својот ирокез, има голема поддршка од неа, па продолжи да игра кога се опорави. На минатото Светско првенство не беше во добра форма и брзо испадна. Но оваа година потсети на своите најдобри денови. Во четвртфиналето ќе го чека подобриот од натпреварот помеѓу Стивен Бантинг и Луке Вудхаус.

Луке Хамфрис (29) минатата година го освои своето прво Светско првенство во пикадо, победувајќи во финалето тинејџерската сензација Луке Литлер. Но, оваа сезона ќе мора многу порано да го заврши големото натпреварување.