Новиот тренер на Милан ќе дебитира во дербито со Јувентус и тоа – против својот син!

Милан го отпушти тренерот Пауло Фонсека по само половина година бидејќи не ги исполни очекувањата на раководството на Росонерите.

Милан издаде соопштение за медиумите кое се состои од две реченици.

“Милан соопштува дека Пауло Фонсека е разрешен од своите должности на позицијата главен тренер на првиот тим. Клубот му се заблагодарува на Пауло за големото ниво на професионалност и му посакува сѐ најдобро во идната кариера”, објавија Росонерите.

Фонсека во 24 натпревари во сите натпреварувања забележа 12 победи, 6 нерешени и 6 порази, а на негово место ќе дојде Сержио Консеисао.

За Консеисао ќе биде особено интересно да го води големото дерби помеѓу Милан и Јувентус бидејќи една од најголемите ѕвезди на Старата дама е неговиот син Франсиско.