Барселона има уште само неколку дена да го регистрира Дани Олмо за втората половина од сезоната. Датумот до кој мора да најде начин да обезбеди средства за да 26-годишниот играч од средината настапува до крајот на сезоната се поклопува со крајот на годината, инаку од 1 јануари ќе стане слободен играч. Сепак Олмо не се грижи премногу околу тоа.
Освојувачот на европското злато со репрезентацијата на Шпанија им се приклучи на Барселона во летниот преоден рок, откако за неговиот трансфер беа издвоени 55 милиони евра. Според некои информации, тоа е износот на трансферот со вклучени бонуси, според други, фиксна отштета на која само треба да се додадат бонусите. Тој износ ќе расте ако Олмо има право да настапува за неа.
Приказната за Ballon Twister: Се започнува со една идеја! ↓↓↓
“Ова беше многу посебна година за мене, но тоа е само почеток. Чувствувам дека уште многу ми претстои. Сакам титули со Барселона и со Шпанија”, вели Олмо, кој го избра враќањето во Барселона пред некои други опции.
“Не се двоумев кога се јави Барселона. Дојден сум тука, каде што ми е семејството и каде што се ми пријателите, беше сон кој можеше да стане реалност”, додаде тој.
Учество во игри на среќа е дозволено за лица со 18+ години. Играј одговорно!