Поранешниот „ученик“ на Гвардиола решение за проблемите на Манчестер Сити?

Откако пристигна од Лајпциг во Баерн во 2015 година, Џошуа Кимих освои сè што можеше да се освои. Прашање е што му носи иднината на освојувачот на Лигата на шампионите од 2020 година и осумкратниот германски шампион, бидејќи неговиот договор со Баерн важи само до крајот на тековната сезона.

Според пишувањата на германските и шпанските медиуми, Кимих наскоро ќе може да избира меѓу нов договор и останување во Минхен и првото заминување во клуб надвор од родната земја. Ветил дека нема да чека до летото за да донесе одлука, туку дека ќе ја донесе во јануари. Најверојатно интерес за него покажува Манчестер Сити..

Англискиот шампион е во невидена криза под водството на Пеп Гвардиола. Само една победа во последните 11 натпревари, падот во резултатите и формата како и повредите придонесоа спуштија Сити да биде на петтата позиција на табелата во англиското првенство и на 22-та во Лигата на шампионите.