„Бомба“ во НБА-лигата: Батлер го напушта Мајами и се сели на Запад

Мајами Хит е подготвен да го трејдува својот најдобар кошаркар Џими Батлер, објави добро информираниот Шемс Чаранија.

Батлер поради проблеми со повреди прескокна голем број натпревари и одигра само 17 за Мајами оваа сезона. Во просек бележеше 19 поени, 5,4 скока и 4,8 асистенции.

Кога е здрав, Батлер е еден од најдобрите играчи во лигата, но има 35 години и оваа сезона заработува 48,8 милиони долари. Тој ќе одлучи дали договорот ќе се продолжи на уште една година за коj би заработил 54,4 милиони долари.

Поради честите повреди и ослободувањето на буџетот, тимот на Мајами сериозно размислува да се ослободи од него, а како најсериозен за да го доведе во некоја размена се спомнува Далас, кој со Батлер, Лука Дончиќ и Кајри Ирвинг, би го комплетирал „мозаикот“ и би го добил токму она што му недостасува за да освои шампионска титула.