Гвардиола мака мачи и со повреди: Во Лондон гостува без седум фудбалери!?

Фудбалерите на Манчестер Сити утре ќе играат против Кристал Палас во 15. коло на Премиер лигата на “Селхурст Парк”.

Сити го прекина катастрофалниот низ на резултати откако во средата сигурно го победија Нотингем Форест, но мора да го потврдат тој триумф на непријатното гостување во Лондон.

Отежнувачка околност е тоа што Пеп Гвардиола сигурно нема да може да смета на дури шестмина од првотимците, додека за подготвеноста на Мануел Аканџи ќе се одлучува непосредно пред натпреварот.

Сити нема да може да се потпре на Родри, кој од порано е повреден, потоа Фил Фоден, Оскар Боб, Џон Стоунс, Матео Ковачиќ и Нейт Аке.