Новинарите го налутија Анчелоти со прашање за Мбапе

Сезонава Килијан Мбапе на 16 натпревари за Реал Мадрид постигна осум гола и забележа две асистенции, а тоа не се бројки кои од него се очекуваа пред да пристигне.

Италијанскиот тренер Карло Анчелоти од новинарите доби прашање за ситуацијата со Мбапе и пишувањата за наовдни психички проблеми на фудбалерот.

Анчелоти со одоговорот јасно стави до знаење дека не му се допаѓа таквото прашање.

„Неговата лоша низа се случила на сите големи напаѓачи, но не постои „случај Мбапе“. Го гледам среќен мотивиран и убеден дека утре ќе одигра добар натпревар. Неговите квалитети се извонредни.

Никогаш не барал од мене некој посебен услов. Тој и Винисиус немаат фиксни улоги и можат меѓусебно да ги менуваат позициите.

Какво е тоа прашање! Не е во ред да се шпекулира со такви работи…навистина грдо прашање!“, одговори Анчелоти на новинарското прашање.