Дембеле (27) изјави дека сака да ја заврши фудбалската кариера за седум години. „Сакам да се пензионирам на 34 години и да се занимавам со недвижен имот и да инвестирам во Африка и Франција“, рече крилниот напаѓач на ПСЖ и Франција во разговор со сонародниците Чоамени и Жил Кунде на каналот на YouTube на ESN Media – The Bridge.
Дембеле ја започна својата професионална кариера во Рен, за кого одигра 29 натпревари и постигна 12 гола, пред да биде потпишан од Борусија Дортмунд за 35 милиони евра во 2016 година.
Вардар, Работнички, Силекс, Шкендија – Кој ќе блесне во Европа!? ↓↓↓
Во клубот од Дортмунд, по 50 настапи и десет гола, тој стана фудбалска ѕвезда на која Барселона во 2017 година и плати 140 милиони евра, со што стана трет најскап играч досега, зад Килијан Мбапе (180 милиони евра, од Монако во ПСЖ) и Нејмар (222 милиони евра, од Барселона во ПСЖ).
Во каталонскиот клуб одигра 185 натпревари, запиша 43 гола и 40 асистенции, но никогаш не го достигна својот целосен потенцијал поради честите повреди и непрофесионалниот пристап кон фудбалот.
Ако погледнете колку плати Барселона за него и колку доби од него, сигурно се вбројува меѓу најголемите неуспеси во историјата на клубот.
ПСЖ за него плати 50 милиони евра во летото 2023 година и оттогаш постигна 11 и асиститаше за 21 гол на 55 натпревари.
Учество во игри на среќа е дозволено за лица со 18+ години. Играј одговорно!