„Аларм“ во Лондон – Соблекувалната се врти против Конте!?

Атмосферата во соблекувалната на Челзи не е на потребното ниво…

Изгледа дека Антонио Конте ги прави истите грешки како и во Јувентус.

Според пишувањето на англиските медиуми, играчите се незадоволни, силниот режим на тренинзи како „вирус“ го погоди тимот, па поради тоа повредите ги има се повеќе.

Новинарот Мет Хјуз, од „Тајмс“ тврди дека фудбалерите се пожалиле на замор како и дека не разбираат поради што режимот на тренинзи е ист како минатата година кога играа во само еден натпревар неделно.

Имено, од поразот од Палас во саботата, до натпреварот со Рома во вторникот, екипата имала три тренинзи.

Повреден беше Мората, во аут се Канте и Мозес, сега на повреда се пожалија уште Давид Луиз и Бакајоко.

Фудбалерите сметаат дека во прашање е заморот и дека Конте мора да ги промени своите тренинг методи. Италијанецот сличен проблем имаше и во Јувентус во втората сезона, но тогаш „старата дама“ беше пресилна во однос на остатокот од лигата па немаше премногу повреди.

И самиот Конте е незадоволен и понатаму смета дека преодениот рок е одработен многу лошо и дека проблемите дури сега ќе го стигнат Челзи.

Италијанецот најави и дека нема да остане долго во Лондон, но не се точни шпекулациите дека веќе договорил враќање во Италија, бидејќи не верува дека Милан кој го посакува има финансиска моќ да создаде тим каков што би му бил потребен да се бори за трофеи.