Ѓоковиќ повторно поразен од Синер

Јаник Синер го совлада Новак Ѓоковиќ со 2-1 во сетови на турнирот во Саудиска Арабија.

Само неколку дена по финалето во Шангај, Новак Ѓоковиќ и Јаник Синер повторно се сретнаа и повторно поуспешен беше Италијанецот.

Синер во првиот сет двапати го одзеде сервисот на Ѓоковиќ и го доби релативно лесно со 6-2. Србинот возврати во вториот сет откако славеше во тај-брејк.

Во третиот сет беа видени голем број брејкови на двете страни, но Синер направи еден повеќе и со тоа стигна до триумф од 6-4.