Не е 103 милиони евра: Реал за Белингем потрошил повеќе – англискиот репрезентативец го срушил рекордот на Азар!

Според последните информации на шпанските медиуми, Реал Мадрид не објавил реални бројки од трансферот на Џуд Белингем.

Германски „Билд“ повикувајќи се на свои извори тврди дека Реал за Белингем потрошил 134 милиони евра, а не 103 како што објави лани. Ако ваквите информации се точни тогаш Белингем е најскап фудбалер во историјата на „кралевите“ и го срушил рекордот на Еден Азар од 120 милиони евра.

Медиумите потсетуваат и дека слична била ситуацијата со Герет Бејл во 2013 година кога Реал објави дека платил 91 милион евра, а всушност сумата била 100 милиони евра.

Кога е Белингем во прашање се истакнува дека првобитната сума била зголемена со одредени бонуси кои биле лесно остварливи. Реал Мадрид мораше да плати и дополнителни десет милиони евра уште во првата сезона поради бонусот за освојување на Лигата на шампионите.