Ѓоковиќ изгуби 1.000 бодови: Еве на која позиција се наоѓа сега

Најдобриот тенисер на сите времиња Новак Ѓоковиќ остана на второто место на АТП листата и покрај тоа што не настапи на Мастерсот во Синсинати каде што требаше да го брани трофејот.

Прв е и понатаму Јаник Синер со 9.410 бодови, додека Ѓоковиќ е втор со 7.460. Ѓоковиќ загуби 1.000 поени во однос на минатонеделната листа.

Синер го чека финалето на Мастерсот во Синсинати против Американецот Френсис Тиафо и има шанса дополнително да ја зголеми предноста пред Ѓоковиќ.

Трет е Алкараз со 7.360 бодови, а потоа следат Александар Зверев кој има 330 бодови помалку и Данил Медведев.

Рускиот тенисер Андреј Рубљев е шести во светот, а топ 10 ја комплетираат Хуберт Хуркач, Каспер Руд, Григор Димитров и Алекс де Минор.