Тен Хаг најави големи промени: „Ќе преживеат само најсилните“

Менаџерот на Манчестер Јунајтед, Ерик тен Хаг јасно најави дека работите во овој клуб во наредниот период ќе бидат поинакви.

Една од промените е направена во медицинскиот дел на стручниот штаб, па се очекува играчите на Јунајтед да бидат покондициони – откако минатата сезона имаа речиси 70 повреди во првиот тим.

„Оваа сезона ќе биде опстанок на најсилните“, рече Тен Хаг, додавајќи:

„Сакам да го имам најсилниот можен тим. Веќе направивме двa добри трансфери, а кога сите ќе бидат подготвени, овој тим може да победи секого“, изјави Тен Хаг.

Ќе има уште засилувања, по доаѓањето на напаѓачот Џошуа Зиркзе и стоперот Лени Жоро.

Јунајтед секогаш бара можности да биде подобар, имаме рок до 30 август. Бараме да се засилиме на сите позиции, но ни треба план за да се убедиме дека сме во право“, додаде Тен Хаг.