ОФИЦИЈАЛНО: Најдобриот стрелец во ПМФЛ потпиша за Магдебург

Најдобриот стрелец во Првата македонска фудбалска лига, Алекса Марушиќ ја напушти Воска Спорт и се пресели во редовите на Магдебург.

Црногорецот блескаше во натпреварувачката 2023/2024 во ПМФЛ, беше прво име во шампионатот со 17 голови и 3 асистенции, а со тоа си го отвори патот до преселба во тимот на Магдебург кој се натпреварува во втората лига на Германија.

„Воска спорт му се заблагодарува на Алекса Марушиќ за неговиот голем придонес во нашиот тим, посакувајќи му успех во понатамошната кариера во Германија“, стои во соопштението од Воска.