Откако вчера Струга Трим Лум претрпе пораз одо 4:2 од Слован Братислава во квалификациите за Лигата на шампионите, денеска уште две македонски екипи ги чека настап на евро-сцената, но во квалификациите за Конференциската Лига.
Тиквеш на Арената „Тодор Проески“ од 20:30 часот ќе го пречека Исландски Бреидбалик. За кавадарчани ова е деби во Европа, а тренерот Ѓорѓи Мојсов пред овој дуел изјави дека ако го одиграат договореното, тој е сигурен во пласман понатаму.
Лондонско дерби во Премиер лига, Миовски против Барса во Ла Лига ↓↓↓
„Се надеваме и веруваме дека ќе го гледаме Тиквеш подолг период на европска сцена. Ова е историски натпревар и се подготвуваме верувајќи дека можеме да одиграме квалитетно. Го анализиравме противникот и ако го испочитуваме договореното на тренинзите сигурно ќе продолжиме понатаму“, гласеше неговата изјава на вчерашната прес-конференција.
Доведе Тиквеш и девет нови фудбалери, па ќе видиме како ќе изгледа на теренот.
Шкендија од 18:00 часот на гостински терен ќе игра против ерменската Ноа која како и Тиквеш е дебитант во европските квалификации.
Тетовскиот клуб влегува како фаворит во овој двомеч и веруваат дека нема да им се повтори разочарувањето од минатата сезона кога беа елиминирани во првото коло.
Учество во игри на среќа е дозволено за лица со 18+ години. Играј одговорно!