Барселона комплетно го надигра Манчестер Сити во дербито на 3-то коло од ЛШ. Победи остварија и Арсенал, Баерн, Атлетико и ПСЖ.
Барселона со 4:0 го победи Манчестер Сити, а Лео Меси со хет-трик го поздрави својот поранешен тренер Пеп Гвардиола.
Лига Нации: Се освен прво место ќе биде катастрофа за Македонија! ↓↓↓
Барса со погодок на Меси во 17 минута поведе со 1-0. По осум минути игра се случи можеби клучниот момент, Клаудио Браво играше со рака надвор од шеснаесетникот и доби директен црвен картон.
Следуваа уште два гола на Меси за негов хет-трик и убедливо водство од 3-0. Во последните минути Нејмар најпрво не успеа да погоди и пенал, а потоа го постави конечниот резултат 4:0.
Арсенал со високи 6:0 го победи Лудогорец, а играч на натпреварот беше Месут Озил кој го постигна својот прв хет-трик во кариерата. Резултот го отвори Санчез, а погодија уште и Волкот и Окслејд Чемберлејн.
Изненадување направи Бешикташ кој со 3-2 го победи Наполи на негов терен. Гостинска победа славеше и Бенфика која го совлада Динамо Киев со 2-0, а со истиот резултат триумфираше и Менхенгладбах кај Селтик. ПСЖ со 3-0 беше подобар од Базел.
Во групата Д фаворитите без проблем. Атлетико го победи Ростов со 1:0 со голот на Караско, додека Баерн славеше со 4:1 над ПСВ со головите на Милер, Кимих, Левандовски и Робен.