Ѓоковиќ без борба до полуфинале на Вимблдон

Aвстралиецот Алекс Де Минор се откажа од настапот на Вимблдон, па така Новак Ѓоковиќ без борба оди во полуфиналето.

Де Минор денеска требаше да игра против Новак во четвртфиналето, меѓутоа се повлече од турнирот.

Причина за повлекувањето на австралискиот тенисер е повредата на колкот. Изгледаше загрижено Де Минор и по мечот од претходната рунда, но и беше оптимист дека ќе ги реши проблемите.

„Во ред е, ќе пронајдам начин“, искоментира кратко тогаш за неговата ситуација.

Во полуфиналето Ѓоковиќ ќе го чека подобриот од мечот помеѓу Мусети и Фриц. Првото полуфинале веќе е познато и во него ќе се сретнат Алкараз и Медведев.